മലയാളം ക്രൈം ത്രില്ലർ ചിത്രം ‘ഒരു അന്വേഷണത്തിന്റെ തുടക്കം’ സൺ നെക്സ്റ്റിൽ സ്ട്രീമിങ് ആരംഭിച്ചു

എം.എ. നിഷാദ് സംവിധാനം ചെയ്ത് ഷൈൻ ടോം ചാക്കോ, വാണി വിശ്വനാഥ് എന്നിവർ പ്രധാന വേഷത്തിലെത്തിയ മികച്ച അന്വേഷണാത്മക ക്രൈം ത്രില്ലർ ചിത്രം ‘ഒരു അന്വേഷണത്തിന്റെ തുടക്കം’ (Oru Anweshanathinte Thudakkam) ഒടിടി പ്ലാറ്റ്‌ഫോമായ സൺ നെക്സ്റ്റിൽ (Sun NXT) സ്ട്രീമിങ് ആരംഭിച്ചു. 2024 നവംബർ 8-ന് തിയേറ്ററുകളിൽ റിലീസ് ചെയ്ത ചിത്രം മികച്ച പ്രതികരണങ്ങൾ നേടിയിരുന്നു.

ഒരു മാധ്യമപ്രവർത്തകന്റെ തിരോധാനത്തെ തുടർന്ന് പൊലീസും മാധ്യമങ്ങളും നടത്തുന്ന ആകാംക്ഷയും രഹസ്യങ്ങളും നിറഞ്ഞ അന്വേഷണമാണ് ചിത്രത്തിന്റെ പ്രമേയം.

ഷൈൻ ടോം ചാക്കോ, വാണി വിശ്വനാഥ് എന്നിവർക്കൊപ്പം സമുദ്രക്കനി, മുകേഷ്, ശിവദ, സ്വാസിക, ദുർഗ്ഗ കൃഷ്ണ, അനുമോൾ, മഞ്ജു പിള്ള തുടങ്ങി വലിയൊരു താരനിര തന്നെ ചിത്രത്തിലുണ്ട്.
എം.എ. നിഷാദ് സംവിധാനവും രചനയും നിർവ്വഹിച്ചിരിക്കുന്ന ചിത്രം ബെൻസി പ്രൊഡക്ഷൻസിന്റെ ബാനറിൽ കെ.വി. അബ്ദുൾ നാസറാണ് നിർമ്മിച്ചിരിക്കുന്നത്. എം. ജയചന്ദ്രനാണ് ചിത്രത്തിന് സംഗീതം നൽകിയിരിക്കുന്നത്.

Here is a promotional update for the movie’s OTT release:

https://www.instagram.com/reels/DegnYXdy3uQ

English Summary: The Malayalam investigative crime thriller ‘Oru Anweshanathinte Thudakkam’, directed by M. A. Nishad and starring Shine Tom Chacko and Vani Viswanath, has officially started streaming on Sun NXT. Centered around a suspense-packed police and media investigation triggered by a journalist’s mysterious disappearance, the film features an ensemble supporting cast including Samuthirakani, Mukesh, Sshivada, Swasika, and Manju Pillai.