തൃശൂർ സെൻട്രൽ സഹോദയ അത്‌ലറ്റിക് മീറ്റ് ഒക്ടോബർ 23, 24 തീയതികളിൽ വലപ്പാട് ഗവ. ഹൈസ്കൂൾ ഗ്രൗണ്ടിൽ നടക്കുമെന്ന് സംഘാടക സമിതി ഭാരവാഹികൾ അറിയിച്ചു. വലപ്പാട് ഭാരത് വിദ്യാമന്ദിർ സീനിയർ സെക്കൻഡറി സ്കൂളാണ് മീറ്റിന്റെ ആതിഥേയത്വം വഹിക്കുന്നത്.
- പങ്കാളിത്തം: 25 സ്കൂളുകളിൽ നിന്നായി എണ്ണൂറോളം വിദ്യാർത്ഥികൾ മത്സരങ്ങളിൽ മാറ്റുരയ്ക്കും. ആൺകുട്ടികളുടെയും പെൺകുട്ടികളുടെയും വിഭാഗങ്ങളിലായി നാല് കാറ്റഗറികളിലായി 114 ഇനങ്ങളിലാണ് മത്സരങ്ങൾ നടക്കുന്നത്.
- ഉദ്ഘാടനം: ഒക്ടോബർ 23-ന് രാവിലെ 8:30-ന് അന്തർദേശീയ വോളിബോൾ താരം ഷിജി കുര്യൻ മീറ്റ് ഔദ്യോഗികമായി ഉദ്ഘാടനം ചെയ്യും. തൃശൂർ സെൻട്രൽ സഹോദയ മുഖ്യ രക്ഷാധികാരി ഡോ. രാജു ഡേവിസ് പരേപാടൻ ചടങ്ങിൽ പതാക ഉയർത്തും.
- സമാപനം: മത്സരങ്ങളുടെ സമാപന സമ്മേളനം കൊടുങ്ങല്ലൂർ ഡി.വൈ.എസ്.പി. ആർ. രതീഷ് കുമാർ ഉദ്ഘാടനം ചെയ്യും.
വാർത്താസമ്മേളനത്തിൽ തൃശൂർ സെൻട്രൽ സഹോദയ പ്രസിഡന്റ് ബിനു കെ. രാജ്, കെ.പി.എം. സൊസൈറ്റി പ്രസിഡന്റ് അജിത് പ്രസാദ്, വലപ്പാട് ഭാരത് വിദ്യാമന്ദിർ സീനിയർ സെക്കൻഡറി സ്കൂൾ പ്രിൻസിപ്പൽ ബിന്ദു സോമൻ തുടങ്ങിയവർ പങ്കെടുമിച്ചു.
English Summary: The Thrissur Central Sahodaya Athletic Meet is scheduled to be held on October 23 and 24 at the Valappad Government High School Ground, hosted by the Bharat Vidya Mandir Senior Secondary School, Valappad. Around 800 students from 25 schools will compete across 114 events categorized into four sections for boys and girls.
